Mga Panambiton ni Biyong << #Sarong Pagbalo

Sa primyadong kabanguihon na ini
Na lambang saro sato nagkakatiripon
Bilang magturugang nagkakaburonyog
Tanganing ikurahaw an sarong toninong na tingog
Nin pagpadaba sa rona na satuyang guinikanan
Asin danay na ini-erokan,
Maw-ot kong maguing kasugpon kan sakuyang hinangos
An saindong daeng sukol na pagranga.

Uya ako, si BIYONG, danay na saindong padangat.
Handang umatubang sa makukusog na duros nin habagat
Asin maisog na panampilong nin balod
Tanganing saindong maguing kasurog.
Hematia nindo an sakuyang mga panambitan.

Napadigdi ako laen para sa guiraray isaysay
An momentong namatean
Kan mismong makaulay ko si Lolo Undo
Kan uminaguing udma.
Aram nindo gabos, na duman sa puro-puro kan Hiyo-hiyo,
Mantang si aldaw kinakakan na kan kabanguihon,
Naguin maisog an sakong boot na atubangon si Lolo Undo.
Naguing masarig an sakong pagtubod
Na dae nanggad ako papabayaan ni Gugurang.
Kaya ngani sa makusog na tingog
Sakong ikinukurahaw an sakuya na kapangganahan!
Si Lolo Undo na minsan nindong kinakatakutan,
Huto muyang makatalingkas sa pagkakagapos
Sa may dakulang gapo sa tampi kan daragsaan.

____
Enot na Kabtang, Sarong Pagbalo

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s