Ngonian na an Pagkanap!

Kanap.

“Ngonian na an aldaw nin pagkanap!”
Olay ni Kabo sa mga tinanom na lagalag
Kun an kagharong naminto
Suyo na berde ilusot sa bintana
Ta an binhing itatanom sa dalipay namugtak
Bungang mahamis dangan pa marahay
Hare na pag-andam magtalubo na dayaday
Sa pagpadagos sa harong
Kan lagalag na tinanom
Matanos na kamaw-otan sa higod ilubong.

“Ngonian na an aldaw nin pagkanap!”
Pangumbinse ni Kabo sa mga alipores na anay.
Hale pa sa irarom, kakagharigihan
Surorog nindang sasakyadahon
Ta kun kakusugan nin harong
An enot na perwisyohon
Pag-ulag kan lanob dangan pa kan bubong
Masasaguibo nin ungod nan daeng kapagalan
“An hagad ko sana…” dagdag pa ni Kabo
“An masapog na ube, ihutad sa harigi”

“Ngonian na an bangui nin pagkanap!”
Sugo ni Kabo sa mga kaaping mampak.
Sa diklom nin panganoron iyo na an pagkulap-kulap
Magbalon nin olor ta pantunggal sa ranggis
Sa bubong tumugdon, dila pahalabaon
An umboy sa tulak, tulos nang surupon
Pagtalubo, punduhon, sanglian nin kagadanon
Alagad ini guibuhon antes an daliwawa magpoon
Ta maabtan ngani nin bangraw
An pagkanap sa dae mapapamugtak
Kaherak na Kabo, sa tanglad matubay, sa karaha mapahuway.

Advertisements

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s