Happily barriotic!

Pauli sa banua, mentras na magayagaya akong nakalunad sa samuyang MV Marvin na pinapadalagan kan samuyang namomot-an na Daddy Inggo, sul-ot an saiyang shades, maogma akong nakikipagtunggalan que sms sa sakuyang amiga na nagtutukdo sa sarong eskuwelahan sa ciudad.

Sa samuyang pagpapalitan que mga mensahe, naunambitan ko saiya na nasa biyahe pa ako pauli asin pig-aaprobitsaran an kagayunan kan view. Sisay ba naman an may baguy na pamati an dae maguianan kon mahiling mo an saday na Isla kan Tinacos habang yaon sa likudan nagsisir-ip man an magayon na Mayon?! Haaay…. kagayon na pansangle sa kapurisawan na namatean ko kasubag-o kan sarabay na magpundo an manga computers habang nagpa-practical test an sakuyang mga aki dahil sa brown-out.

Dangan sa saro niya na sms, naghapot siya, ta daw daa uyon ko na magturo sa harayo sa ciudad?

Sa makaskas na pagduon ko sa keypad kan sakuyang cellphone, naipadara ko saiya an mensahe na ini.

“I simply enjoy the island and its people!”

Totoo man nanggad, espesyal sakuya an Isla kan Bagatao laen lang dahil ini an lugar kan primero kong eskwelahan na pigtukduan kudi na nagui ko ining pangaduwang istaran. Siring man na harani sakuya an manga tawo digdi, apisar na manga kaparientes ko pa an nagkapira. Maray na maki-iba an manga taga-Behia asin mapagpadaba sinda.

Garo dae ko kaya an mabuhay sa ciudad?! Nabuhay talaga ako na buro-baryuhon, sabi ngani kan amiga ko sa text barriotic daa ako. LOL.

Ata ngani tolong beses lang ako nakatuntung sa Manila. Enot kan mag-atinder ako seminar sa Development Academy of the Philippines sa Tagaytay City. Ika-duwa kan padarhan ako imbitasyon ni Johnberk sa Nationalista Youth Convention sa Cavite State University asin an huri kan mag-paduman kami sa Baguio para sa 2nd National Arts Festival. Dae ako namuya kan paagui kan pagbuhay-buhay sa ciudad… Maski puro-papan-o namuya man ako kan kagayunan kan manga ini, pero garo dae ako makatinir sa lugar na pareho kan Manila. Sus, permi ako kaan duman purisaw nan taranta! Basta… habo ko magtinir sa ciudad.

Lalo na siguro an magtrabaho sa ciudad. Kapagal na harayo sa pamilya!

Siguro man nanggad, kadakol ko na namiss na manga momento kon itoon ako sa kahiwasan kan ciudad… kadakol na kaugmahan, manga pasyarang mauurag, etc. pero dae ko nuarin ipagtutunggalan an manga ini:

Haaay… kagayun sa pamati kan view na ini… pasulnop na an aldao dangan so manga paralawod patukal naman sa baybay…

An panguro-aldaw na view na nagsasabat samo paduman sa eskwelahan.

An malinig na baybayon kan Halabangbaybay asin an kadakol na sakayan… (namiss ko an ralawlawan!)

Advertisements

3 thoughts on “Happily barriotic!”

  1. Well, sabi ngani sa taramon kan puti…The feeling is mutual bro. Siring man ang namamatian ko kan mga naka agi sagkod ngunyan! Behia ang lugar na sakong dinakulaan,sisay an makalingaw? sa makuapo ni (pay Turin nan ni may Piring?) mang hapot ka dyan hahaha.Parte an behia kan sakuyang pagkatawo…bilang aki, asin bilang propesyunal. Digde ako enot na nag serbi bilang maestra. Pinag huhururunan pa sana ang pag mukna nin Bagatao High School, yaon na ako sa pag hururon na idto.Saksi an halabang baybayon kan ugma, kan mundo, kan ulok, kan luha… Sisay man nangad an makalingaw? dai…Oh dai.

    Like

    1. Salamat Ate Faith, kagayon baga talaga kan lugar ta…. hmmm kadakol na manga eksperinensiya an nagbulig samo para mas maapresiyar an buhay… bilang manga paratukdo asin bilang indibidwal… salamat sa Isla!

      Like

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s