“Kadakol na beses nang pinagmaw-ot ko na ipaaram sa imo ini. Alagad nagduwa-duwa ako. Paghona ko kaya mas maray na ihayag ko ini sa hilom. Sa pamati malaen, sa daghan magabat na.” sabi kang soltero sa saiyang kailusyon habang sa hapros nin bulanon sinda maogmang nagpapalipod.
“Kan enot aram kong kaya ko alagad talagang dipisil na”… dangan kinua niya si kamot kan daraga, dinupo sa saiyang daghan asin padagos na nagtaram… “Maria, padaba ko, hanggang sain mo kayang ipahiling an simong pagkamoot sa abang solterong ngunyan nagluluhod-luhod sa atubang mo?”
Nangirabo si Maria. Nagtakig so kamot habang tangan pa kan kailusyong nangangadye sa may pamitsan niya. Aram niyang haloy nang nag-aandam an solterong pinakamomoot niya.
Sa may guilid kan salog, tulos na ginuyod ni Juan si Maria na nangurutab-kutab na an daghan. An daplos nangagrilipot na asin nagtatagadol na an daghan.
“Juan, dae ka na talaga makahalat para diyan?” sinabi niya ini habang ang luha muya nang bumulos hale sa saiyang mga mata. Padaba niyang urog si Juan kaya habo niya ini na saiya magluod. Sa tahaw nin takot, pinirit niyang maguing makusog.
Tulos na pagtuntong sa may dakulang gapo hinuros ni Juan an kalsong kasubag-o pa muyang makatalingkas. Dangan sa malumanay na tingog nagsabi siya, “Maria, ipahiling mo na totoong namomot-an mo ako. Kaputi ining payong asin lipudi ako. Dae ko na nanggad mapugulan kamateon kan tulak ko.”
Dae pa nahaloy, tanganing ipamati an saiyang bulahos na pagkamoot, mahihiling si Maria sa may lukadan, sa gilid kan salog – naghahanap que bunot.
[Nasa link na ini an nagkapira kong manga kaburut-on]
[Back to My Bicol Portfolio]
This blog belongs to a lovable, larger-than-life weirdo who lives and loves life!
mabalos po sa pag-krear kan arog kaning blog sa internet. Ako po si Monnel nag tratrabaho sa Bombo Rdayo Naga, hapot ko lang po kun pweding basahon sa ere an saindong mga sinurat partikulamente na itong mga tula, tigsik, asin kun ano pa man na rawitdawit.
may programa po kaya ako 6:30 to 8;00 pm “Bikolano ako” tungkol po sa pag-urgulyo kan Bicol culture. Hapot ko lang po kudta if pwedi kamong makakontibwar sa obheto kan sakuyang programa. Tatawanan ko man po kamo ning tamang pagbisto sa ere.
hagad po an saindong positibong suporta, Dios mabalos!